思念情歌
《思念情歌》Su-liām Tsîng-kua
尤君Iû Kun
——————————————
溫泉鄉罩雺霧
un-tsuânn-hiong tà bông-bū
心頭亂紛紛
sim-thâu luān-hun-hun
山頂的溪水流來
suann-tíng ê khue-tsuí lâu–lâi
沖散阮緣份
tshiong-suànn gún iân-hūn
今夜月娘遮爾暗淡
kim-iā ge̍h-niû tsiah-nī àm-tām
哪裡有地揣郎君
ná-lí ū-tè tshē lông-kun
汽車的聲音
khì-tshia ê siann-im
加添阮憂悶
ka-thiam gún iu-būn
啊~只好純情
ah~ tsí-hó sûn-tsîng
等待郎君來揣阮
tán-thāi lông-kun lâi tshē gún
露水滴
lōo-tsuí tih
百花開
pah-hue khui
充滿著春意
tshiong-buán tio̍h tshun-ì
雖然是一蕊野花
sui-jiân sī tsi̍t-luí iá-hue
猶原正當開
iu-guân tsiànn-tng khui
昨暝夢見郎君轉來
tsa-mî bāng-kìnn lông-kun tńg–lâi
純情花蕊送予伊
sûn-tsîng hue-luí sàng hōo i
明知是眠夢
bîng-tsai sī bîn-bāng
偏偏相信伊
phian-phian siong-sìn i
啊~落花有意
ah~ lo̍k-hua iú-ì
隨著溪水流落去
suî tio̍h khue-tsuí lâu–lo̍h-khì
