花蓮港邊傷心的愛情
《花蓮港邊傷心的愛情》Hue-lian-káng Pinn Siong-sim ê Ài-tsîng
李愛綺Lí Ài-khí(李嘉Lí Ka)
——————————————
今夜海面起風湧
kim-iā hái-bīn khí hong-íng
予阮想起三年前
hōo gún siūnn-khí sann-nî tsîng
雙人港邊賞夜景
siang-lâng káng-pinn siúnn iā-kíng
歡歡喜喜論終生
huann-huann-hí-hí lūn tsiong-sing
彼當時
hit-tong-sî
情是真
tsîng sī tsin
愛不止
ài put-tsí
雙人心相印
siang jîn-sim siong-ìn
到如今冷清清
kàu jû-kim líng tshing-tshing
心頭凝
sim-thâu gîng
見景傷情
kiàn-kíng siong-tsîng
啊~花蓮港
ah~ Hue-lian-káng
誰知影寂寞的心情
siáng tsai-iánn tsi̍k-bo̍k ê sim-tsîng
一時多情變無情
tsi̍t-sî to-tsîng piàn bô-tsîng
枉費對伊遮堅定
óng-huì tuì i tsiah kian-tīng
啊~花蓮港
ah~ Hue-lian-káng
花蓮港邊秋風冷
Hue-lian-káng pinn tshiu-hong líng
予阮想起彼段
hōo gún siūnn-khí hit tuānn
彼段傷心的愛情
hit tuānn siong-sim ê ài-tsîng
