男兒有淚不輕彈
《男兒有淚不輕彈》Lâm-jî Iú Luī Put Khin-tân
李峰Lí Hong
——————————————
烏雲罩滿天
oo-hûn tà buán-thinn
夜鶯亂亂啼
iā-ing luān-luān thî
悽風慘雨落袂離
tshi-hong tshám-ú lo̍h buē-lī
加添著阮心傷悲
ka-thiam tio̍h gún sim siong-pi
啊~心傷悲
ah~ sim siong-pi
戀夢已經破碎
luân-bāng í-king phò-tshuì
一生哪有啥趣味
it-sing ná-ū siánn tshù-bī
聽著囝咧哭
thiann-tio̍h kiánn teh khàu
心肝亂操操
sim-kuann luān tshau-tshau
目屎強欲忍袂牢
ba̍k-sái kiōng-bueh jím buē-tiâu
枉費對你情意厚
óng-huì tuì lí tsîng-ì kāu
啊~情意厚
ah~ tsîng-ì kāu
一直戇戇等候
it-ti̍t gōng-gōng tán-hāu
愛妻你著緊回頭
ài-tshe lí tio̍h kín huê-thâu
