無信用的人
《無信用的人》Bô Sìn-iōng ê Lâng
李愛綺Lí Ài-khí(李嘉Lí Ka)
——————————————
聽講你最近真成功
thiann-kóng lí tsuè-kīn tsin sîng-kong
愛情佮前途攏春風
ài-tsîng kah tsiân-tôo lóng tshun-hong
阮毋是怨妒
gún m̄-sī uàn-tòo
嘛毋是無量
mā m̄-sī bô-liōng
只怪我當初
tsí kuài guá tong-tshoo
無聽爸母勸阮
bô thiann pē-bú khǹg gún
太衝動
thài tshiong-tōng
莫當做阮遐爾戇
mài tòng-tsuè gún hiah-nī gōng
對你的變心激悾悾
tuì lí ê piàn-sim kik khong-khong
阮無愛阻擋
gún bô-ài tsóo-tòng
嘛袂閣對你原諒
mā buē koh tuì lí guân-liōng
只希望你從此
tsí hi-bāng lí tsiông-tshú
離開阮的一生中
lī-khui gún ê it-sing-tiong
無信用的人
bô sìn-iōng ê lâng
已經變質的心
í-king piàn-tsit ê sim
苦勸無啥路用
khóo-khǹg bô-siánn lōo-iōng
阮不如自己來堅強
gún put-jû tsū-kí lâi kian-kiông
已經放蕩的心
í-king hòng-tōng ê sim
袂當挽回的人
buē-tàng bán-huê ê lâng
無帶念過去的純情
bô tài-liām kuè-khì ê sûn-tsîng
阮只好請你
gún tsí-hó tshiánn lí
從今以後愛顧信用
tsiông-kim í-āu ài kòo sìn-iōng
