春夢拍醒
《春夢拍醒》Tshun-bāng Phah-tshínn
李愛綺Lí Ài-khí(李嘉Lí Ka)
——————————————
春天時來熟似
tshun-thinn sî lâi si̍k-sāi
就感覺你袂䆀
tiō kám-kak lí buē-bái
熱天時來相愛
jua̍h-thinn sî lâi siong-ài
戀情人人知
luân-tsîng lâng-lâng tsai
秋涼的時你離開
tshiu-liâng ê sî lí lī-khui
講欲拍拚為將來
kóng beh phah-piànn uī tsiong-lâi
寒人的時你來批信
kuânn–lâng ê sî lí lâi phue-sìn
講欲了斷咱情愛
kóng beh liáu-tuān lán tsîng-ài
啊~海鳥聲聲
ah~ hái-tsiáu siann-siann
加添阮悲哀
ka-thiam gún pi-ai
無情的海湧
bô-tsîng ê hái-íng
陣陣拍入阮的世界
tsūn-tsun phah-ji̍p gún ê sè-kài
恨當初無應該
hūn tong-tshoo bô-ing-kai
放你孤舟走天涯
pàng lí koo-tsiu tsáu thian-gâi
只有恬恬在心內
tsí-ū tiām-tiām tsāi sim-lāi
期待你會倒轉來
kî-thāi lí ē tò-tńg–lâi
繼續咱這段情愛
kè-sio̍k lán tsit tuānn tsîng-ài
