思念你的心
《思念你的心》Su-liām Lí ê Sim
李愛綺Lí Ài-khí(李嘉Lí Ka)
——————————————
一个人總是孤單
tsi̍t-ê-lâng tsóng–sī koo-tuann
因為無人通做伴
in-uī bô-lâng thang tsuè-phuānn
為著你的一句話
uī-tio̍h lí ê tsi̍t-kù uē
千辛萬苦嘛袂後悔
tshian-sin bān-khóo mā buē hiō-hué
烏雲飛過彼爿山
oo-hûn pue kuè hit-pîng suann
你敢知影阮的心肝
lí kám tsai-iánn gún ê sim-kuann
大雨落甲規下晡
tuā-hōo lo̍h kah kui ē-poo
花蕊已經落落塗
hue-luí í-king lo̍h lo̍h-thôo
思念你的心
su-liām lí ê sim
永遠袂當放袂記
íng-uán buē-tàng pàng-buē-kì
希望你對我
hi-bāng lí tuì guá
嘛是仝款的心
mā-sī kāng-khuán ê sim
思念你的心
su-liām lí ê sim
親像大海遐爾深
tshin-tshiūnn tuā-hái hiah-nī tshim
夜夜思暮
iā-iā su-bōo
心所愛的你
sim sóo ài ê lí
轉來阮身邊
tńg-lâi gún sin-pinn
