人生親像一面鏡
《人生親像一面鏡》Jîn-sing Tshin-tshiūnn Tsi̍t-bīn Kiànn
宋俊明Sòng Tsùn-bîng
——————————————
風風雨雨的生活
hong-hong-ú-ú ê sing-ua̍h
難免有時會孤單
lân-bián ū-sî ē koo-tuann
現實的社會無情啊
hiān-si̍t ê siā-huē bô-tsîng–ah
但是有我佮你做伴
tān-sī ū guá kah lí tsuè-phuānn
人生的路隨人行
jîn-sing ê lōo suî-lâng kiânn
花開花謝攏是命
hue khui hue siā lóng-sī miā
毋管別人按怎來看
m̄-kuán pa̍t-lâng án-tsuánn lâi khuànn
心內的話講予你聽
sim-lāi ê uē kóng hōo lí thiann
人生啊
jîn-sing–ah
親像一面鏡
tshin-tshiūnn tsi̍t-bīn kiànn
照媠照䆀攏無差
tsiò suí tsiò bái lóng bô-tsha
我是你永遠的靠山
guá sī lí íng-uán ê khò-suann
一生佮你相依倚
it-sing kah lí sio i-uá
你的付出無條件
lí ê hù-tshut bô tiâu-kiānn
我會將你惜命命
guá ē tsiong lí sioh-miā-miā
