討海的人
《討海的人》Thó-hái ê Lâng
田青平Tiân Tshing-pîng
——————————————
船螺聲音悲哀
tsûn-lê siann-im pi-ai
送伊欲出海
sàng i beh tshut-hái
暗暗來流目屎
àm-àm lâi lâu ba̍k-sái
總是為著愛
tsóng–sī uī tio̍h-ài
行船人飄浪天涯
kiânn-tsûn-lâng phiau-lōng thian-gâi
運命的安排
ūn-miā ê an-pâi
滿腹的酸苦味
muá-pak ê sng-khóo-bī
啥人會了解
siánn-lâng ē liáu-kái
啊~將阮拆分東西
ah~ tsiong gún thiah-hun tang-sai
明日又海角天涯
bîng-ji̍t iū hái-kak thian-gâi
雖然伊裝笑容
sui-jiân i tsng tshiò-iông
上船欲出海
tsiūnn tsûn bueh tshut-hái
阮對伊真了解
gún tuì i tsin liáu-kái
寂寞的心內
tsi̍k-bo̍k ê sim-lāi
為著咱幸福將來
uī-tio̍h lán hīng-hok tsiong-lâi
暫時愛忍耐
tsiām-sî ài jím-nāi
心愛的心愛的人
sim-ài–ê sim-ài ê lâng
港邊咧等待
káng-pinn teh tán-thāi
啊~勸阮也著忍耐
ah~ khǹg gún iā tio̍h jím-nāi
行船人總會轉來
kiânn-tsûn-lâng tsóng ē tńg–lâi
