紅玫瑰
《落雪的心》Lo̍h-seh ê Sim
何念庭Hô Liām-tîng
——————————————
講啥物今生今世
kóng siánn-mih kim-sing kim-sè
天頂月娘
thinn-tíng gue̍h-niû
聽見真詳細
thiann-kìnn tsin siông-sè
講過的話全是假
kóng–kuè ê uē tsuân sī ké
越頭一片空白的美麗
ua̍t-thâu tsi̍t-phiàn khàng-pe̍h ê bí-lē
為啥物頭殼犁犁
uī-siánn-mih thâu-khak lê-lê
窗外小雨厭氣落規暝
thang-guā sió-hōo iàn-khì lo̍h kui-mê
耳邊的話猶咧踅
hīnn-pinn ê uē iáu teh se̍h
你就變心愛別个
lí tiō piàn-sim ài pa̍t-ê
無彩我
bô-tshái guá
予你溫柔遐爾濟
hōo lí un-jiû hiah-nī tsuē
無應該對阮來反背
bô ing-kai tuì gún lâi huán-puē
我的心肝已經咧落雪
guá ê sim-kuann í-king teh lo̍h-seh
一切一切免解說
it-tshè it-tshè bián kái-sueh
無彩我
bô-tshái guá
對你感情用遐濟
tuì lí kám-tsîng iōng hiah tsuē
無應該像水潑落地
bô ing-kai tshiūnn tsuí phuah lo̍h-tē
假情假愛你敢欲
ké-tsîng ké-ài lí kám beh
你敢你敢有體會
lí kám lí kám ū thé-huē
