某單
《某單》Bóo-tan
DJ HEAD
——————————————
熟似的城市
si̍k-sāi ê siânn-tshī
有無熟似的戀夢
ū bô-si̍k-sāi ê luân-bāng
自從佮你分開
tsū-tsiông kah lí hun-khui
生活變甲真簡單
sing-ua̍h piàn kah tsin kán-tan
從今以後
tsiông-kim í-āu
我的一切毋免予你管
guá ê it-tshè m̄-bián hōo lí kuán
可能較凌亂
khó-lîng khah lîng-luān
應該會習慣
ing-kai ē si̍p-kuàn
仝款的笑容
kāng-khuán ê tshiò-iông
是無仝款的拒絕
sī bô kāng-khuán ê kī-tsua̍t
誰是誰的負擔
siáng sī siáng ê hū-tam
計較起來傷傷人
kè-kàu–khí-lâi siunn siong lâng
想起我的身邊
siūnn-khí guá ê sin-pinn
確定無你通好攬
khak-tīng bô lí thang-hó lám
雖然有遺憾
sui-jiân ū uî-hām
算來嘛輕鬆
sǹg–lâi mā khin-sang
有人講相愛
ū-lâng kóng siong-ài
只要雙人心甘情願
tsí-iàu siang-lâng sim kam tsîng guān
偏偏你是
phian-phian lí sī
我夢中無緣的牡丹
guá bāng-tiong bô-iân ê bóo-tan
離合註定有悲歡
lî-ha̍p tsù-tiānn ū pi-huan
嘛已經到坎站
mā í-king kàu khám-tsām
趁早告一段落
thàn-tsá kò tsi̍t-tuānn-lo̍h
互相就無束縛
hōo-siong tiō bô sok-pa̍k
我毋是你上四配的人
guá m̄-sī lí siōng sù-phuè ê lâng
何必為難
hô-pit uî-lân
你猶原是
lí iu-guân sī
我夢中最愛的牡丹
guá bāng-tiong tsuè ài ê bóo-tan
毋管心內偌毋甘
m̄-kuán sim-lāi guā m̄-kam
愛過就有價值
ài–kuè tiō ū kè-ta̍t
囥踮心內留戀
khǹg tiàm sim-lāi liû-luân
嘛是另一種浪漫
mā sī līng tsi̍t-tsióng lōng-bān
