望月想你彼一暝
《望月想你彼一暝》Bāng Gue̍h Siūnn Lí Hit-tsi̍t-mî
江志豐Kang Tsì-hong
——————————————
點著一杯烏咖啡
tiám tio̍h tsi̍t-pue oo-ka-pi
啉落無苦味
lim–lo̍h bô khóo-bī
又閣慣勢的氣味
iū-koh kuàn-sì ê khì-bī
雄雄消失
hiông-hiông siau-sit
一時想無啥原因
tsi̍t-sî siūnn-bô siánn guân-in
是毋願想起
sī m̄-guān siūnn-khí
抑是有人
ia̍h-sī ū-lâng
我已經放袂記
guá í-king pàng-buē-kì
敢是藏佇上內面
kám-sī tshàng tī siōng lāi-bīn
緣份停佇
iân-hūn thîng tī
停佇熟似彼一年
thîng tī si̍k-sāi hit tsi̍t-nî
雲煙轉啊轉啊
hûn ian tsuán–ah tsuán–ah
你何時離開
lí hô-sî lī-khui
拍開心內的鎖匙
phah-khui sim-lāi ê só-sî
雄雄毋敢相信
hiông-hiông m̄-kánn siong-sìn
一幕一幕慢慢出現
tsi̍t-bōo-tsi̍t-bōo bān-bān tshut-hiān
望月想你彼一暝
bāng gue̍h siūnn lí hit-tsi̍t-mî
