多情疼心肝
《多情疼心肝》To-tsîng Thiànn Sim-kuann
何念庭Hô Liām-tîng
——————————————
緣盡斷了線
iân tsīn tn̄g liáu suànn
袂當行入你的性命
buē-tàng kiânn-ji̍p lí ê sìnn-miā
甘願多情疼心肝
kam-guān to-tsîng thiànn sim-kuann
–
孤單坐踮西餐廳
koo-tuann tsē tiàm se-tshan-thiann
一杯冰咖啡來陪伴
tsi̍t-pue ping-ka-pi lâi puê-phuānn
想欲袂記你的形影
siūnn-beh buē-kì lí ê hîng-iánn
點歌單較寫
tiám-kua-tuann khah siá
嘛是你的名
mā-sī lí ê miâ
玻璃窗像一面鏡
po-lê-thang tshiūnn tsi̍t-bīn kiànn
照出拍毋見的咒誓
tsiò tshut phàng-kìnn ê tsiù-tsuā
講你愛我是無條件
kóng lí ài guá sī bô tiâu-kiānn
哪會受傷的人
ná ē siū-siong ê lâng
攏是我
lóng-sī guá
音樂聲一聲一聲
im-ga̍k-siann tsi̍t-siann-tsi̍t-siann
伴奏著心碎的聲
phuānn-tsàu tio̍h sim tshuì ê siann
冰咖啡一喙一喙
ping-ka-pi tsi̍t-tshuì-tsi̍t-tshuì
摻著失落的心寒
tsham tio̍h sit-lo̍h ê sim kuânn
緣盡斷了緣
iân tsīn tn̄g liáu iân
袂當行入你的性命
buē-tàng kiânn-ji̍p lí ê sìnn-miā
甘願多情疼心肝
kam-guān to-tsîng thiànn sim-kuann
