唱歌予你聽
《唱歌予你聽》Tshiùnn-kua Hōo Lí Thiann
朱德寶Tsu Tik-pó
——————————————
人生是一首歌
jîn-sing sī tsi̍t-siú kua
有甜有酸有苦澀
ū tinn ū sng ū khóo-siap
有時陣會孤單
ū-sî-tsūn ē koo-tuann
心內會感覺畏寒
sim-lāi ē kám-kak uì-kuânn
若欲唱一首歌
nā beh tshiùnn tsi̍t-siú kua
會當代表我心聲
ē-tàng tāi-piáu guá sim-siann
你著愛支持我
lí tio̍h-ài tsi-tshî guá
心內一直溫暖我
sim-lāi it-ti̍t un-luán guá
無相信這運命
bô siong-sìn tse ūn-miā
天大地大我知影
thinn tuā tē tuā guá tsai-iánn
只要用心拍拚
tsí-iàu iōng-sim phah-piànn
毋管最後輸佮贏
m̄-kuán tsuè-āu su kah iânn
我欲唱歌
guá beh tshiùnn-kua
唱出恁心聲
tshiùnn-tshut lín sim-siann
你一路來做伴
lí tsi̍t-lōo lâi tsuè-phuānn
無分你佮我
bô hun lí kah guá
我欲唱歌
guá beh tshiùnn-kua
唱出阮心聲
tshiùnn-tshut gún sim-siann
我的人生
guá ê jîn-sing
我唱予恁聽
guá tshiùnn hōo lín thiann
