真情的關懷
《真情的關懷》Tsin-tsîng ê Kuan-huâi
田青平Tiân Tshing-pîng
——————————————
阮一份愛誰了解
gún tsi̍t-hūn ài siáng liáu-kái
阮的真情啥人知
gún ê tsin-tsîng siánn-lâng tsai
敢講是運命無安排
kám-kóng sī ūn-miā bô an-pâi
緣份才著受阻礙
iân-hūn tsiah tio̍h siū tsóo-gāi
思念你思念你啊
su-liām lí su-liām lí–ah
哪會袂了解
ná ē buē liáu-kái
我甘願為你等待
guá kam-guān uī lí tán-thāi
真情深似海
tsin-tsîng tshim sū hái
為了愛走天涯
uī-liáu ài tsáu thian-gâi
無論三年抑五載
bô-lūn sann-nî ia̍h gōo-tsài
猶原愛忍耐
iu-guân ài jím-nāi
對你的無限關懷
tuì lí ê bû-hān kuan-huâi
深深來藏在心內
tshim-tshim lâi tshàng tsāi sim-lāi
無論是環境怎安排
bô-lūn sī khuân-kíng tsuánn an-pâi
永遠等待這份愛
íng-uán tán-thāi tsit hūn ài
思念你思念你啊
su-liām lí su-liām lí–ah
啥人會了解
siánn-lâng ē liáu-kái
阮對你關懷
gún tuì lí kuan-huâi
流著真情的目屎
lâu tio̍h tsin-tsîng ê ba̍k-sái
滿腹內的期待
muá-pak-lāi ê kî-thāi
希望你緊轉來
hi-bāng lí kín tńg–lâi
真情配真愛
tsin-tsîng phuè tsin-ài
