永遠攬牢牢
《永遠攬牢牢》Íng-uán Lám Tiâu-tiâu
白文文Pe̍h Bûn-bûn
——————————————
雖然兩人糖甘蜜甜
sui-jiân nn̄g-lâng thn̂g-kam bi̍t-tinn
絚絚攬牢牢
ân-ân lám tiâu-tiâu
聲聲毋甘
siann-siann m̄-kam
無奈面對
bô-nāi bīn-tuì
離別在今朝
lî-pia̍t tsāi kim-tiau
啥人願意傷情目屎流
siánn-lâng guān-ì siong-tsîng ba̍k-sái lâu
因為我對你寄望遮爾厚
in-uī guá tuì lí kià-bōng tsiah-nī kāu
再大的風風雨雨
tsài tuā ê hong-hong-ú-ú
阮會勇敢吞落喉
gún ē ióng-kám thun lo̍h-âu
希望你毋通袂記
hi-bāng lí m̄-thang buē-kì
毋通袂記
m̄-thang buē-kì
我踮在故鄉咧等候
guá tiàm-tsāi kòo-hiong teh tán-hāu
啊~情未了
ah~ tsîng bī-liáu
雖然火車載著阮走
sui-jiân hué-tshia tsài tio̍h gún tsáu
相信你的心我的心
siong-sìn lí ê sim guá ê sim
你的心我的心
lí ê sim guá ê sim
今生今世永遠縛牢牢
kim-sing kim-sè íng-uán pa̍k tiâu-tiâu
