捌你無澈底
《捌你無澈底》Bat Lí Bô Thiat-té
白文文Pe̍h Bûn-bûn
——————————————
感情兩字是難題
kám-tsîng nn̄g-jī sī lān-tuê
姻緣也是相欠債
in-iân iā-sī sio-khiàm-tsè
你來反背無好尾
lí lâi huán-puē bô hó-bué
變心無情愛別个
piàn-sim bô tsîng-ài pa̍t-ê
講啥物山盟
kóng siánn-mih san-bîng
啥物是海誓
siánn-mih sī hái-sè
那想是那怨慼
ná siūnn sī ná uàn-tsheh
心肝是規腹火
sim-kuann sī kui-pak-hué
佮你也已經扯
kah lí iā í-king tshé
毋甘願予你騙遐爾濟
m̄ kam-guān hōo lí phiàn hiah-nī tsuē
啊~啊~
ah~ ah~
啊!怪我捌你無澈底
ah! kuài guá bat lí bô thiat-té
