想起故鄉彼个人
《想起故鄉彼个人》Siūnn-khí kòo-hiong Hit ê Lâng
司馬三三Su-má Sam-sam
——————————————
自從我離開故鄉
tsū-tsiông guá lī-khui kòo-hiong
也已經有一年
iā í-king ū tsi̍t-nî
時常想起
sî-siông siūnn-khí
故鄉彼个人
kòo-hiong hit ê lâng
怎樣無批又無信
tsuánn-iūnn bô-phe iū bô-sìn
我對你真情真義
guá tuì lí tsin-tsîng tsin-gī
毋通放阮做你去
m̄-thang pàng gún tsuè lí khì
阮的故鄉
gún ê kòo-hiong
難忘愛人
lân-bōng ài-jîn
啊~希望你
ah~ hi-bāng lí
毋通將阮放袂記
m̄-thang tsiong gún pàng-buē-kì
黃昏時鴛鴦相隨
hông-hun sî uan-iunn siong-suî
故鄉景色真正媠
kòo-hiong kíng-sik tsin-tsiànn suí
唱出情歌
tshiùnn-tshut tsîng-kua
迷人心碎
bê-lâng sim suì
我是每日思念你
guá sī muí-ji̍t su-liām lí
我對你真情真義
guá tuì lí tsin-tsîng tsin-gī
期待早日轉鄉里
kî-thāi tsá-ji̍t tńg hiunn-lí
阮的故鄉
gún ê kòo-hiong
難忘愛人
lân-bōng ài-jîn
啊~聲聲叫
ah~ siann-siann kiò
叫阮心愛彼个人
kiò gún sim-ài hit ê lâng
