退色的相片
《退色的相片》Thè-sik ê Siòng-phìnn
小林玉 Sió-lîm-gio̍k(王善Ông Siān)
——————————————
酸澀的日子
sng-siap ê ji̍t-tsí
對阮已經也麻痺
tuì gún í-king iā bâ-pì
退色的相片
thè-sik ê siòng-phìnn
只有加添對你的相思
tsí-ū ka-thiam tuì lí ê siunn-si
無法度來阻止
bô-huat-tōo lâi tsóo-tsí
目屎滴落枕頭邊
ba̍k-sái tih-lo̍h tsím-thâu pinn
啊~有啥人會當來醫治
ah~ ū siánn-lâng ē-tàng lâi i-tī
治療阮受傷的空喙
tī-liâu gún siū-siong ê khang-tshuì
↓↓(口白)—(口白)↓↓
相思苦啊苦相思
siunn-si khóo–ah khóo siunn-si
愛情本是鹹酸甜
ài-tsîng pún sī kiâm sng tinn
毋通為愛
m̄-thang uī ài
偷偷流珠淚
thau-thau lâu tsu-luī
你看
lí khuànn
窗外的花蕊
thang-guā ê hue-luí
開遮媠
khui tsiah suí
只要伊有情
tsí-iàu i ū-tsîng
就會轉來你身邊
tiō ē tńg-lâi lí sin-pinn
伴你度過快樂青春時
phuānn lí tōo-kuè khuài-lo̍k tshing-tshun-sî
↑↑(口白)—(口白)↑↑
無法度來阻止
bô-huat-tōo lâi tsóo-tsí
目屎滴落枕頭邊
ba̍k-sái tih-lo̍h tsím-thâu pinn
啊~有啥人會當來醫治
ah~ ū siánn-lâng ē-tàng lâi i-tī
治療阮受傷的空喙
tī-liâu gún siū-siong ê khang-tshuì
↓—(口白)—↓
唉~啥人會當來醫治
aih~ siánn-lâng ē-tàng lâi i-tī
治療伊受傷的空喙
tī-liâu i siū-siong ê khang-tshuì
