痴情的戀夢
《痴情的戀夢》Tshi-tsîng ê Luân-bāng
方怡萍Png Î-phîng
——————————————
聲聲句句求君仔留
siann-siann-kù-kù kiû kun–á lâu
我君仔假愛做伊走
guá kun–á ké-ài tsuè i tsáu
愛情一擔賰一頭
ài-tsîng tsi̍t-tànn tshun tsi̍t-thâu
一聲無奈一聲吼
tsi̍t-siann bô-nāi tsi̍t-siann háu
一心望君仔好到老啊喂
it-sim bāng kun–á hó kàu lāu–ah-uê
我君放阮半路頭
guá kun pàng gún puànn-lōo-thâu
每日傷心為君仔吼啊喂
muí-ji̍t siong-sim uī kun–á háu–ah-uê
袂當佮君仔好到老
buē-tàng kah kun–á hó kàu lāu
哀哀怨怨幾若暝
ai-ai-uàn-uàn kuí-lō mî
月娘看阮哭深更
gue̍h-niû khuànn gún khàu tshim-kinn
愛情雙叉斷一枝
ài-tsîng siang-tshe tuān tsi̍t-ki
害阮目屎用手承
hāi gún ba̍k-sái iōng tshiú sîn
悽悽慘慘為一層
tshi-tshi-tshám-tshám uī tsi̍t-tsân
每日思念烏焦瘦
muí-ji̍t su-liām oo-ta-sán
鐵樹開花最困難
thih-tshiū khui-hue tsuè khùn-lân
無疑我君更加殘
bô-gî guá kun kìng-ka tshân
