月色照深更
《月色照深更》Gue̍h-sik Tsiò Tshim-kinn
上明Siōng-bîng
——————————————
暗淡月色照孤影
àm-tām gue̍h-sik tsiò koo-iánn
冷風陣陣透心寒
líng-hong tsūn-tsūn thàu sim kuânn
秋風飄落
tshiu-hong phiau–lo̍h
相思千萬片
siunn-si tshian-bān phìnn
星光月光
tshinn-kng ge̍h-kng
伴我到深更
phuānn guá kàu tshim-kinn
世間情初戀是甘甜
sè-kan tsîng tshoo-luân sī kam-tinn
一路行來酸苦味
tsi̍t-lōo kiânn–lâi sng-khóo bī
情難忘
tsîng lân-bōng
意難忘
ì lân-bōng
毋願留戀寂寞的城市
m̄-guān liû-luân tsi̍k-bo̍k ê siânn-tshī
想欲飛去日出的天邊
siūnn-beh pue khì ji̍t-tshut ê thinn-pinn
拜託太陽傳情意
pài-thok thài-iông thuân tsîng-ì
再會啦
tsài-huē–lah
心愛的
sim-ài–ê
希望閣再
hi-bāng koh-tsài
轉來阮身邊
tńg-lâi gún sin-pinn