拍斷手骨顛倒勇
《拍斷手骨顛倒勇》Phah-tn̄g Tshiú-kut Tian-tò Ióng
方順吉Png Sūn-kiat
——————————————
一枝草一點露
tsi̍t-ki tsháu tsi̍t-tiám lōo
認真來走傱
jīn-tsin lâi tsáu-tsông
食苦當做食補
tsia̍h-khóo tòng-tsuè tsia̍h-póo
就是成功的撇步
tiō-sī sîng-kong ê phiat-pōo
行過坎坷人生路
kiânn kuè khám-khia̍t jîn-sing lōo
看盡起起落落
khuànn-tsīn khí-khí-lo̍h-lo̍h
油門共催予盡磅
iû-mn̂g kā tshui hōo tsīn-pōng
乘風破浪拚前途
sîng-hong phò-lōng piànn tsiân-tôo
向前衝向前衝
hiòng-tsiân tshiong hiòng-tsiân tshiong
向前衝
hiòng-tsiân tshiong
堅持咱的理想
kian-tshî lán ê lí-sióng
向前衝向前衝
hiòng-tsiân tshiong hiòng-tsiân tshiong
向前衝
hiòng-tsiân tshiong
跤踏實地每一步
kha ta̍h si̍t-tē muí tsi̍t-pōo
拍斷手骨顛倒勇
phah-tn̄g tshiú-kut tian-tò ióng
咱攏是拍拚的英雄
lán lóng-sī phah-piànn ê ing-hiông
毋驚風毋驚雨來阻擋
m̄-kiann hong m̄-kiann hōo lâi tsóo-tòng
咱愛堅定向前衝
lán ài kian-tīng hiòng-tsiân tshiong
