恬恬
《恬恬》Tiām-tiām
方千玉Png Tshian-gio̍k
——————————————
我恬恬聽心內伊的聲
guá tiām-tiām thiann sim-lāi i ê siann
一句閣一句囥佇遐
tsi̍t-kù koh tsi̍t-kù khǹg tī hia
是甘是甜是註定
sī kam sī tinn sī tsù-tiānn
是心內的幸福你佮我
sī sim-lāi ê hīng-hok lí kah guá
我恬恬行
guá tiām-tiām kiânn
心內伊的影
sim-lāi i ê iánn
一步閣一步停佇遮
tsi̍t-pōo koh tsi̍t-pōo thîng tī tsia
是風是雨是心疼
sī hong sī hōo sī sim thiànn
是心內的甘願
sī sim-lāi ê kam-guān
佮你來做伴
kah lí lâi tsuè-phuānn
甘願恬恬聽著心的夢
kam-guān tiām-tiām thiann tio̍h sim ê bāng
孤單是空
koo-tuann sī khang
是上深的寄望
sī siōng tshim ê kià-bāng
無聲是等待對你的愛
bô-siann sī tán-thāi tuì lí ê ài
恬恬等的人
tiām-tiām tán ê lâng
甘願恬恬行入你的夢
kam-guān tiām-tiām kiânn ji̍p lí ê bāng
寂寞是夜
tsi̍k-bo̍k sī iā
是傷心的所在
sī siong-sim ê sóo-tsāi
美麗是遺憾予你的愛
bí-lē sī uî-hām hōo lí ê ài
我的心恬恬聽
guá ê sim tiām-tiām thiann
恬恬看
tiām-tiām khuànn
