心內話
《心內話》Sim-lāi Uē
方千玉Png Tshian-gio̍k
——————————————
踮寂寞月光暝
tiàm tsi̍k-bo̍k gue̍h-kng-mî
引起思念來相揣
ín-khí su-liām lâi sio-tshuē
問天敢是虧欠感情債
mn̄g thinn kám-sī khui-khiàm kám-tsîng-tsè
怎樣有遺憾藏心肝底
tsuánn-iūnn ū uî-hām tshàng sim-kuann-té
無顧一切
bô-kòo it-tshè
為著愛痴迷
uī-tio̍h ài tshi-bê
分離無幾字解說
hun-lî bô kuí-jī kái-sueh
等愛變成往事
tán ài piàn-sîng óng-sū
難挽回
lân bán-huê
愛用偌濟年歲
ài iōng guā-tsuē nî-huè
賠後悔
puê hiō-hué
一句無講出的心內話
tsi̍t-kù bô kóng-tshut ê sim-lāi uē
一對鴛鴦註定分開飛
tsi̍t-tuì uan-iunn tsù-tiānn hun-khui pue
怨嘆當初無將真心
uàn-thàn tong-tshoo bô tsiong tsin-sim
對你講坦白
tuì lí kóng thán-pe̍h
這句無講出的心內話
tsit kù bô kóng-tshut ê sim-lāi uē
是阮予你最後的情批
sī gún hōo lí tsuè-āu ê tsîng-phue
望你幸福
bāng lí hīng-hok
自由自在飛
tsū-iû tsū-tsāi pue
