彼日的約定
《彼日的約定》Hit-ji̍t ê Iok-tīng
小林玉 Sió-lîm-gio̍k(王善Ông Siān)
——————————————
咱兩人有約定
lán nn̄g-lâng ū iok-tīng
為啥物放阮孤一人
uī-siánn-mih pàng gún tsi̍t-lâng
–
彼日廟前有約定
hit-ji̍t biō-tsîng ū iok-tīng
拜託神明來作證
pài-thok sîn-bîng lâi tsoh-tsìng
無你我無嫁
bô lí guá bô kè
無我你毋娶
bô guá lí m̄ tshuā
兩人堅心有咒誓
nn̄g-lâng kian-sim ū tsiù-tsuā
如今予阮心頭冷
jû-kim hōo gún sim-thâu líng
一去煞來無音訊
tsi̍t-khì suah lâi bô im-sìn
為啥物為啥物
uī-siánn-mih uī-siánn-mih
初戀的甜味變苦味
tshoo-luân ê tinn-bī piàn khóo-bī
廟前的鳥隻
biō-tsîng ê tsiáu-tsiah
伴阮咧哀啼
phuānn gún teh ai-thî
心愛的人
sim-ài ê lâng
為怎樣
uī tsuánn-iūnn
放阮吼規暝
pàng gún háu kui-mî
