夜班高鐵
《夜班高鐵》Iā-pan Ko-thih
上豪Siōng-hô
——————————————
高鐵一站過一站
ko-thih tsi̍t-tsām kuè tsi̍t-tsām
欲來去揣阮心愛的蹛臺北
beh lâi-khì tshuē gún sim-ài–ê tuà Tâi-pak
夜景迷人
iā-kíng bê-lâng
為愛茫茫
uī ài bâng-bâng
予阮飄浪的感情世界
hōo gún phiau-lōng ê kám-tsîng sà-kài
縛甲遮重
pa̍k kah tsiah tāng
因為是一揣再揣
in-uī sī it-tshuē tsài-tshuē
一个一个放
tsi̍t-ê-tsi̍t-ê pàng
敢講阮姻緣簿
kám kóng gún in-iân-phōo
一段段結果是空
tsi̍t-tuānn-tuānn kiat-kó sī khang
千里遙遠
tshian-lí iâu-uán
情夢袂堪
tsîng-bāng buē-kham
冬風搧冷寒
tang-hong siàn líng-hân
夜班高鐵心頭重
iā-pan ko-thih sim-thâu tāng
臺北站到遮已暗
Tâi-pak-tsām kàu tsia í àm
鬧熱的繁華會空
lāu-jia̍t ê huân-huâ ē khang
阮十分愛你
gún tsa̍p-hun ài lí
你幾分留予阮
lí kuí-hun lâu hōo gún
但願花開毋通一暗
tān-guān hua khui m̄-thang tsi̍t-àm
愛予永永遠遠
ài hōo íng-íng-uán-uán
夜班高鐵
iā-pan ko-thih
愛的人欲來成雙
ài ê lâng beh lâi sîng-siang
