鄉情
《鄉情》Hiong-tsîng
丁黛Ting Tāi
——————————————
春風微微鳥隻叫
tshun-hong bî-bî tsiáu-tsiah kiò
風吹柳樹輕輕搖
hong tshue liú-tshiū khin-khin iô
懸懸山嶺水面照
kuân-kuân suann-niá tsuí-bīn tsiò
照出彎彎橋
tsiò tshut uan-uan kiô
紅紅葡萄黃弓蕉
âng-âng phû-thô n̂g king-tsio
一籠一籠上花轎
tsi̍t-láng tsi̍t-láng tsiūnn hue-kiō
水牛白鷺山邊歇
tsuí-gû pe̍h-lōo suann-pinn hioh
人看人愛惜
lâng khuànn lâng ài-sioh
思念家鄉暝日叫
su-liām ka-hiong mî-ji̍t kiò
朋友相會袂得著
pîng-iú siong-huē buē-tit tio̍h
阮欲立志堅如石
gún beh li̍p-tsì kian jû tsio̍h
期待成功蔭父母
kî-thāi sîng-kong ìm hū-bió
