故鄉的媽媽
《故鄉的媽媽》Kòo-hiong ê Má-mah
丁麗燕Ting Lē-iàn
——————————————
自從我來離開
tsū-tsiông gún lâi lī-khui
慈愛母親的身邊
tsû-ài bô-tshin ê sin-pinn
算起來
sǹg–khí-lâi
已經有將近半年
í-king ū tsiong-kīn puànn-nî
媽媽我思念你
má-mah guá su-liām lí
離開時你有交代
lī-khui sî lí ū kau-tài
幾句的金言玉語
kuí-kù ê kim-giân gio̍k-gí
我也毋敢袂記
guá iā m̄-kánn buē-kì
媽媽你請放心
má-mah lí tshiánn hòng-sim
毋免來掛意
m̄-bián lâi khuà-ì
這時陣故鄉也
tsit-sî-tsūn kòo-hiong iā
正在豐收的時機
tsiànn tsāi hong-siu ê sî-ki
咱厝內
lán tshù-lāi
已經有真濟白米
í-king ū tsin tsē pe̍h-bí
媽媽我思念你
má-mah guá su-liām lí
我踮在他鄉外里
guá tiàm-tsāi thann-hiong guā-lí
事業也漸漸順利
sū-gia̍p iā tsiām-tsiām sūn-lī
請你毋免掛意
tshiánn lí m̄-bián kuà-ì
希望會早一日
hi-bāng ē tsá-tsi̍t-ji̍t
成功倒轉去
sîng-kong tò-tńg–khì
