小姑仔調
《小姑仔調》Sió-koo-á-tiāu
丁麗燕Ting Lē-iàn
——————————————
看著阿君仔有意愛
khuànn-tio̍h a-kun–á ū ì-ài
真情想欲講出來
tsin-tsîng siūnn-bueh kóng–tshut-lâi
恐驚你會笑阮呆
khióng-kiann lí ē tshiò gún tai
害阮心肝袂自在
hāi gún sim-kuann buē tsū-tsāi
嫁著好翁真正好
kè tio̍h hó ang tsin-tsiànn hó
嫁著歹翁不如無
kè tio̍h pháinn ang put-jû bô
寧可踮厝做姑婆
lîng-khó tiàm tshù tsuè koo-pô
嘛有外甥仔招𨑨迌
mā ū guē-sing-á tsio tshit-thô
看著阿君仔真緣投
khuànn-tio̍h a-kun–á tsin iân-tâu
提一蕊目睭共伊勾
the̍h tsi̍t-luí ba̍k-tsiu kā-i kau
勾著好人好日後
kau tio̍h hó-lâng hó ji̍t-āu
勾著歹人啊目屎流
kau tio̍h pháinn-lâng–ah ba̍k-sái lâu
