一寸光陰一寸金
《一寸光陰一寸金》Tsi̍t-tshùn Kong-im Tsi̍t-tshùn Kim
丁麗燕Ting Lē-iàn
——————————————
一寸光陰一寸金
tsi̍t-tshùn kong-im tsi̍t-tshùn kim
寸金難買寸光陰
tshùn kim lân bué tshùn kong-im
人生的旅程中
jîn-sing ê lú-tîng tiong
時間最寶貴
sî-kan tsuè pó-kuì
時間也一分一秒
sî-kan iā tsi̍t-hun-tsi̍t-bió
向前催
hiòng-tsiân tshui
若親像
ná-tshin-tshiūnn
有去無回的流水
ū-khì bô-huê ê liû-suí
啊~光陰如箭難得追
ah~ kong-im jû-tsìnn lân-tit tui
時間毋通來浪費
sî-kan m̄-thang lâi lōng-huì
一寸光陰一寸金
tsi̍t-tshùn kong-im tsi̍t-tshùn kim
寸金難買寸光陰
tshùn kim lân bué tshùn kong-im
趁著青春的時代
thàn tio̍h tshing-tshun ê sî-tāi
創造好將來
tshòng-tsō hó tsiong-lâi
時間也一分一秒
sî-kan iā tsi̍t-hun-tsi̍t-bió
無等待
bô tán-thāi
人生的青春時代
jîn-sing ê tshing-tshun sî-tāi
無兩擺
bô nn̄g-pái
啊~光陰一去不再來
ah~ kong-im tsi̍t-khì put-tsài lâi
請你毋通再等待
tshiánn lí m̄-thang tsài tán-thāi
