漂浪的人生
/《漂浪的人生》Phiau-lōng ê Jîn-sing
羅時豐Lô Sî-hong
——————————————
猶原是流浪的生活
iu-guân sī liû-lōng ê sing-ua̍h
雖然身邊是無伴
sui-jiân sin-pinn sī bô-phuānn
阮也仝款無煩無惱
gún iā kāng-khuán bô-huân-bô-ló
輕鬆過著也快活
khin-sang kuè-tio̍h iā khuìnn-ua̍h
趁著少年
thàn tio̍h siàu-liân
認真拍拚
jīn-tsin phah-piànn
爭取好名聲
tsing-tshú hó miâ-siann
毋管人
m̄-kuán lâng
毋管人講我是按怎
m̄-kuán lâng kóng guá sī-án-tsuánn
阮猶原流浪的生活
gún iu-guân liû-lōng ê sing-ua̍h
行到佗位
kiânn kàu tó-uī
毋免人做伴
m̄-bián lâng tsuè-phuānn
漂浪的人有時也會
phiau-lōng ê lâng ū-sî iā ē
漂浪的人有時也會
phiau-lōng ê lâng ū-sî iā ē
來思念
lâi su-liām
來思念故鄉心愛的人
lâi su-liām kòo-hiong sim-ài ê lâng
