我君請你也保重
《我君請你也保重》Guá Kun Tshiánn Lí Iā Pó-tiōng
櫻花姊妹Ing-hue Tsí-muē(詹雅雯Tsiam Ngá-bûn詹雅云Tsiam Ngá-hûn)
——————————————
清早霜風吹袂停
tshing-tsá sng-hong tshue buē-thîng
一路送君欲出帆
tsi̍t-lōo sàng kun beh tshut-phâng
海鳥傳來啼叫聲
hái-tsiáu thuân-lâi thî-kiò siann
悽涼聲音引悲哀
tshi-liâng siann-im ín pi-ai
綿綿情話講袂停
mî-mî tsîng-uē kóng buē-thîng
句句攏是心內話
kù-kù lóng-sī sim-lāi uē
船在海上多波浪
tsûn tsāi hái-siōng to pho-lōng
望君自己愛保重
bāng kun tsū-kí ài pó-tiōng
船頂聲音催袂停
tsûn-tíng siann-im tshui buē-thîng
加添離別的悲情
ka-thiam lî-pia̍t ê pi-tsîng
雖然毋願來分開
sui-jiân m̄-guān lâi hun-khui
為著將來不得已
uī-tio̍h tsiong-lâi put-tik-í
毋管拄著啥物阻礙
m̄-kuán tú-tio̍h siánn-mih tsóo-gāi
也著忍耐來等待
iā tio̍h jím-nāi lâi tán-thāi
忍著分開的痛苦
jím tio̍h hun-khui ê thòng-khóo
請君放心出帆去
tshiánn kun hòng-sim tshut-phâng khì
綿綿情話講袂停
mî-mî tsîng-uē kóng buē-thîng
句句攏是心內話
kù-kù lóng-sī sim-lāi uē
船在海上多波浪
tsûn tsāi hái-siōng to pho-lōng
望君自己愛保重
bāng kun tsū-kí ài pó-tiōng
