咱的感情遮爾重
《咱的感情遮爾重》Lán ê Kám-tsîng Tsiah-nī Tāng
黛西Tài-se
——————————————
你的笑容遐爾迷人
lí ê tshiò-iông hiah-nī bê-lâng
感謝為我送溫暖
kám-siā uī guá sàng un-luán
兩个人真心相疼痛
nn̄g-ê lâng tsin-sim sio thiànn-thàng
相信咱的幸福無期限
siong-sìn lán ê hīng-hok bô kî-hān
雙手牽著人生的夢
siang-tshiú khan-tio̍h jîn-sing ê bāng
相愛已經幾若冬
siong-ài í-king kuí-lō tang
愛情的花蕊
ài-tsîng ê hue-luí
開甲遮爾芳
khui kah tsiah-nī phang
為你付出
uī lí hù-tshut
我也心甘情願
guá iā sim kam tsîng guān
咱的感情遮爾重
lán ê kám-tsîng tsiah-nī tāng
任何風浪
jīm-hô hong-lōng
你我鬥陣扛
lí guá tàu-tīn kng
幸福的滋味遐迷人
hīng-hok ê tsu-bī hiah bê-lâng
生生世世攏袂變淡
sing-sing-sè-sè lóng buē piàn tām
咱的感情遮爾重
lán ê kám-tsîng tsiah-nī tāng
阮也已經是你的人
gún iā í-king sī lí ê lâng
幸福的滋味
hīng-hok ê tsu-bī
就是將你攬
tiō-sī tsiong lí lám
因為咱的感情
in-uī lán ê kám-tsîng
遐爾重
hiah-nī tāng
