傷心做伴
《傷心做伴》Siong-sim Tsuè-phuānn
謝金晶Siā Kim-tsing
——————————————
今夜猶原是孤單
kim-iā iu-guân sī koo-tuann
真心對待無條件
tsin-sim tuì-thāi bô tiâu-kiānn
受傷的心像刀割
siū-siong ê sim tshiūnn to kuah
啥人講愛袂拆散
siánn-lâng kóng ài buē thiah-suànn
無限相思鑽心肝
bô-hān siunn-si tsǹg sim-kuann
過去的咒誓算啥
kuè-khì ê tsiù-tsuā sǹg siánn
愛若無心著看破
ài nā bô-sim tio̍h khuànn-phuà
最後是傷心做伴
tsuè-āu sī siong-sim tsuè-phuānn
寒風冷袂過心肝
hân-hong líng buē-kuè sim-kuann
傷心一人一段
siong-sim tsi̍t-lâng tsi̍t-tuānn
提出真心來換
the̍h tshut tsin-sim lâi uānn
放阮孤單來行
pàng gún koo-tuann lâi kiânn
感情欲按怎收煞
kám-tsîng beh án-tsuánn siu-suah
相思一人一段
siunn-si tsi̍t-lâng tsi̍t-tuānn
手提胭脂照鏡
tshiú the̍h ian-tsi tsiò-kiànn
漸漸失去光線
tsiām-tsiām sit-khì kng-suànn
破碎的心無地看
phò-tshuì ê sim bô-tè khuànn
目屎袂赴拭予焦
ba̍k-sái buē-hù tshit hōo ta
