伊是行船人
《伊是行船人》I Sī Kiânn-tsûn-lâng
簡美雀Kán Bí-tshiok
——————————————
船螺聲音響無停
tsûn-lê siann-im hiáng bô thîng
一聲一聲添稀微
tsi̍t-siann-tsi̍t-siann thiam hi-bî
心愛的人是行船的人
sim-ài ê lâng sī kiânn-tsûn ê lâng
袂當永遠來做堆
buē-tàng íng-uán lâi tsuè-tui
無奈何無奈何
bû-nāi-hô bû-nāi-hô
忍耐滿腹酸苦味
jím-nāi muá-pak sng-khóo-bī
啊~船隻已經欲離開
ah~ tsûn-tsiah í-king beh lī-khui
叫聲心愛再會啦
kiò siann sim-ài tsài-huē–lah
請你愛保重
tshiánn lí ài pó-tiōng
期待再團圓
kî-thāi tsài thuân-înn
心內親像滾波浪
sim-lāi tshin-tshiūnn kún pho-lōng
一陣一陣滾袂離
tsi̍t-tsūn-tsi̍t-tsūn kún buē-lī
心愛的人是行船的人
sim-ài ê lâng sī kiânn-tsûn ê lâng
袂當永遠來做堆
buē-tàng íng-uán lâi tsuè-tui
無奈何無奈何
bû-nāi-hô bû-nāi-hô
展出笑容來送伊
tián-tshut tshiò-iông lâi sàng i
啊~船隻已經離開去
ah~ tsûn-tsiah í-king lī-khui–khì
叫聲心愛的名字
kiò siann sim-ài ê miâ-jī
祈禱你順風
kî-tó lí sūn-hong
轉來再團圓
tńg-lâi tsài thuân-înn
