一領冷被單
《一領冷被單》Tsi̍t-niá Líng Phuē-tuann
謝沛琳Siā Phài-lîm
——————————————
今夜又是
kim-iā iū sī
一領冷冷的被單
tsi̍t-niá líng-líng ê phuē-tuann
三更半暝
sann-kinn puànn-mî
一个人一直畏寒
tsi̍t-ê-lâng it-ti̍t uì-kuânn
雙人的枕頭
siang-lâng ê tsím-thâu
雄雄煞來減一半
hiông-hiông suah lâi kiám tsi̍t-puànn
揣無人來佮我做伴
tshuē-bô lâng lâi kah guá tsuè-phuānn
感情的路線
kám-tsîng ê lōo-suànn
為何至今揣無靠山
uī-hô tsì-kim tshuē-bô khò-suann
我決心欲揣一个伴
guá kuat-sim beh tshuē tsi̍t-ê phuānn
希望月老
hi-bāng gua̍t-nóo
替我來牽紅線
thè guá lâi khan âng-suànn
我才袂夜夜咧畏寒
guá tsiah buē iā-iā teh uì-kuânn
