一寸相思未了情
《一寸相思未了情》Tsi̍t-tshùn Siunn-si Bī-liáu Tsîng
麗娜Lē-ná
——————————————
路燈光遮暗淡
lōo-ting kng tsiah àm-tām
伴阮傷心哭規暝
phuānn gún siong-sim khàu kui-mî
你有對阮來表明
lí ū tuì gún lâi piáu-bîng
永遠不分離
íng-uán put hun-lî
無疑遮爾無天良
bô-gî tsiah-nī bô-thian-liông
放阮孤單做你去
pàng gún koo-tuann tsuè lí khì
已經拍碎痴情變空虛
í-king phah-suì tshi-tsîng piàn khang-hi
雖然是怨恨你
sui-jiân sī uàn-hūn lí
猶原懷念你
iu-guân huâi-liām lí
你明知阮愛你
lí bîng-tsai gún ài lí
哪通偏偏來相欺
ná thang phian-phian lâi siong-khi
愈想愈恨
jú siūnn jú hūn
愈枉費對你的情義
jú óng-huì tuì lí ê tsîng-gī
無疑遮爾無天良
bô-gî tsiah-nī bô-thian-liông
放阮孤單做你去
pàng gún koo-tuann tsuè lí khì
害阮相思
hāi gún siunn-si
害阮珠淚滴
hāi gún tsu-luī tih
雖然是怨恨你
sui-jiân sī uàn-hūn lí
猶原懷念你
iu-guân huâi-liām lí
講啥物你愛阮
kóng siánn-mih lí ài gún
叫阮著愛相信你
kiò gún tio̍h-ài siong-sìn lí
花言巧語來騙阮
hua-giân khá-gú lâi phiàn gún
恨你無情義
hūn lí bô tsîng-gī
無疑遮爾無天良
bô-gî tsiah-nī bô-thian-liông
放阮孤單做你去
pàng gún koo-tuann tsuè lí khì
從今以後
tsiông-kim í-āu
傷心到何時
siong-sim kàu hô-sî
雖然是怨恨你
sui-jiân sī uàn-hūn lí
猶原懷念你
iu-guân huâi-liām lí
