黎明
《黎明》Lê-bîng
鄭琇月Tēnn Siù-gua̍t
——————————————
黃昏的太陽墜落西
hông-hun ê thài-iông tuī lo̍h-sai
漁船準備欲出海
hî-tsûn tsún-pī beh tshut-hái
心愛的人為何猶未來
sim-ài ê lâng uī-hô iáu-buē lâi
莫非有人來阻礙
bo̍k-hui ū-lâng lâi tsóo-gāi
阮是真情佮真愛
gún sī tsin-tsîng kah tsin-ài
你若騙阮不應該
lí nā phiàn gún put-ing-kai
請你毋通
tshiánn lí m̄-thang
耽誤女性的將來
tam-gōo lú-sìng ê tsiong-lâi
啊~黎明的太陽
ah~ lê-bîng ê thài-iông
若是浮出來
nā sī phû–tshut-lâi
增加阮的傷心佮悲哀
tsing-ka gún ê siong-sim kah pi-ai
黎明的太陽浮海面
lê-bîng ê thài-iông phû hái-bīn
昨暝等君失精神
tsa-mî tán kun sit tsing-sîn
山盟海誓的婚姻
san-bîng hái-sè ê hun-in
因何全然無音訊
in-hô tsuân-jiân bô im-sìn
你若真實來變心
lí nā tsin-si̍t lâi piàn-sim
叫阮哪裡袂傷心
kiò gún ná-lí buē siong-sim
請你毋通
tshiánn lí m̄-thang
耽誤女性的終身
tam-gōo lú-sìng ê tsiong-sin
啊~黎明的太陽
ah~ lê-bîng ê thài-iông
若是浮出來
nā sī phû–tshut-lâi
增加阮的痛苦佮傷心
tsing-ka gún ê thòng-khóo kah siong-sim
