風中燈
《風中燈》Hong-tiong Ting
錢愛真Tsînn Ài-tsin
——————————————
女)
自古多情最啊不幸
tsū-kóo to-tsîng tsuè–ah put-hīng
親像風中燈
tshin-tshiūnn hong-tiong ting
無依無倚啥人向
bô-i-bô-uá siánn-lâng ǹg
孤單為情心頭凝
koo-tuann uī tsîng sim-thâu gîng
男)
自古紅顏多啊薄命
tsū-kóo hông-gân to–ah po̍k-bīng
親像花無心
tshin-tshiūnn hue bô sim
雖然開媠無人賞
sui-jiân khui bô-lâng siúnn
可憐已經心冰冷
khó-liân í-king sim ping-líng
合)
愛情愛情若眠夢
ài-tsîng ài-tsîng ná bîn-bāng
何必計較彼一項
hô-pit kè-kàu hit tsi̍t-hāng
為情悲傷無彩工
uī tsîng pi-siong bô-tshái-kang
愛情猶原無希望
ài-tsîng iu-guân bô hi-bāng
女)
獨守寂寞的啊空房
to̍k-siú tsi̍k-bo̍k ê–ah khang-pâng
燈火雙爿紅
ting-hué siang-pîng âng
正月等了二月空
tsiann–gue̍h tán liáu jī–gue̍h khang
三月猶原等無人
sann–gue̍h iu-guân tán-bô lâng
男)
世間愛情是啊戲弄
sè-kan ài-tsîng sī–ah hì-lāng
有時變成無情人
ū-sî piàn-sîng bô-tsîng-lâng
假假虛虛來相送
ké-ké-hi-hi lâi sio-sàng
明日又閣愛別人
bîng-ji̍t iū-koh ài pa̍t-lâng
合)
人生人生親像戲
jîn-sing jîn-sing tshin-tshiūnn hì
毋通為錢來失志
m̄-thang uī tsînn lâi sit-tsì
哪有啥款通傷悲
ná-ū siánn-khuán thang siong-pi
春風吹了花無味
tshun-hong tshue liáu hue bô-bī
