霎霎雨
《霎霎雨》Sap-sap Hōo
蔡一州Tshuà It-tsiu
——————————————
今夜又閣是
kim-iā iū-koh sī
落著毛毛霎霎仔雨
lo̍h tio̍h mn̂g-mn̂g sap-sap-á hōo
愈來落愈粗
jú lâi lo̍h jú tshoo
將咱沃甲澹糊糊
tsiong lán ak kah tâm-kôo-kôo
毋通閣耽誤
m̄-thang koh tam-gōo
緊來揣位來覕雨
kín lâi tshuē uī lâi bih-hōo
繼續咱的愛情的約束
kè-sio̍k lán ê ài-tsîng ê iok-sok
愛情的約束
ài-tsîng ê iok-sok
是咱兩人的初步
sī lán nn̄g-lâng ê tshoo-pōo
愛情的約束
ài-tsîng ê iok-sok
就像這陣霎霎仔雨
tiō tshiūnn tsit-tsūn sap-sap-á hōo
戀愛無撇步
luân-ài bô phiat-pōo
只有真心相照顧
tsí-ū tsin-sim sio tsiàu-kòo
才有甜蜜的感情路
tsiah ū tinn-bi̍t ê kám-tsîng lōo
哈~這陣霎霎仔雨
ha~ tsit-tsūn sap-sap-á hōo
哈~愈來落愈粗
ha~ jú-lâi lo̍h jú tshoo
哈~這陣霎霎仔雨雨雨喔
ha~ tsit-tsūn sap-sap-á hōo hōo hōo–ooh
