雨傘
《雨傘》Hōo-suànn
談詩玲Tâm Si-lîng
——————————————
手中冰冷雨傘
tshiú-tiong ping-líng hōo-suànn
車窗內哪有兩个影
tshia-thang lāi ná ū nn̄g-ê iánn
怎樣袂赴著驚
tsuánn-iūnn buē-hù tio̍h-kiann
原來雨水替阮吼出聲
guân-lâi hōo-tsuí thè gún háu tshut-siann
啊~一陣陣心疼疼
ah~ tsi̍t-tsūn-tsūn sim thiànn-thiànn
所有愛拆兩半
sóo-ū ài thiah nn̄g-puànn
無較縒
bô-khah-tsua̍h
橫直感情我輸你贏
huâinn-ti̍t kám-tsîng guá su lí iânn
風吹吹擾亂亂
hong tshue-tshue jiáu luān-luān
看袂開美夢戀曲收煞
khuànn buē-khui bí-bāng luân-khik siu-suah
每一句紩空喙的線
muí tsi̍t-kù thīnn khang-tshuì ê suànn
心愛的
sim-ài–ê
你敢聽見
lí kám thiann-kìnn
今夜毋敢大聲叫出你的名
kim-iā m̄-kánn tuā-siann kiò-tshut lí ê miâ
咱的夢
lán ê bāng
無彩工
bô-tshái-kang
苦酒沃澹傷心人
khóo-tsiú ak-tâm siong-sim lâng
