親像有情若無意
《親像有情若無意》Tshin-tshiūnn Ū-tsîng Ná Bô-ì
錢愛真Tsînn Ài-tsin
——————————————
花言巧語規大堆
hua-giân khá-gír kui-tuā-tui
叫阮怎樣相信你
kiò gún tsuánn-iūnn siong-sìn lí
阮是純情的女兒
gún sī sûn-tsîng ê lú-jî
恐驚會表錯意
khióng-kiann ē piáu-tshò ì
看你佮別人
khuànn lí kah pa̍t-lâng
講甲笑微微
kóng kah tshiò bî-bî
阮心內也會受氣
gún sim-lāi iā ē siūnn-khì
你實在予人心懷疑
lí si̍t-tsāi hōo-lâng sim huâi-gî
親像有情若無意
tshin-tshiūnn ū-tsîng ná bô-ì
雨水滴滴落袂離
hōo-tsuí tih-tih lo̍h buē-lī
冷冷清清的暗暝
líng-líng-tshing-tshing ê àm-mî
阮是痴情的女兒
gún sī tshi-tsîng ê lú-jî
你害阮心綿綿
lí hāi gún sim mî-mî
對阮遮體貼
tuì gún tsiah thé-thiap
對阮遮客氣
tuì gún tsiah kheh-khì
這敢是真情真意
tse kám-sī tsin-tsîng tsin-ì
你實在予人心懷疑
lí si̍t-tsāi hōo-lâng sim huâi-gî
親像有情若無意
tshin-tshiūnn ū-tsîng ná bô-ì
