牽豬弟
《牽豬弟》Khan Ti-ti
談詩玲Tâm Si-lîng
——————————————
我就是看看
guá tō-sī khuànn khuànn
看袂起你的個性
khuànn-buē-khí lí ê kò-sìng
規身軀黏黏
kui-sin-khu liâm-liâm
黏黐黐又軟爍爍
liâm-thi-thi iū nńg-sih-sih
你想欲做弟弟
lí siūnn-beh tsuè ti-ti
喙瀾滴來滴去
tshuì-nuā tih-lâi-tih-khì
揣一條索仔縛著你
tshuē tsi̍t-tiâu soh-á pa̍k tio̍h lí
豬弟你甜甜
ti-ti lí tinn-tinn
甜甲予人頭眩眩
tinn kah hōo lâng-thâu hîn-hîn
你的話
lí ê uē
從來揣無一句免細膩
tsiông-lâi tshuē-bô tsi̍t-kù bián sè-jī
像一个豬哥神
tshiūnn tsi̍t-ê ti-ko-sîn
你修練千百年
lí siu-liān tshian-pah-nî
想欲一喙將我吞落去
siūnn-beh tsi̍t-tshuì tsiong guá thun–lo̍h-khì
牽豬弟豬弟豬弟豬弟
khan ti-ti ti-ti ti-ti ti-ti
𤆬你四界去
tshuā lí sì-kè khì
這个花花世界
tsit ê hua-hua-sè-kài
攏送予你
lóng sàng hōo lí
雄雄將你
hiông-hiông tsiong lí
鎖佇車頭路邊
só tī tshia-thâu lōo-pinn
聽你叫著Honey Honey
thiann lí kiò tio̍h Honey Honey
一大堆妹妹
tsi̍t-tuā-tui me-me
行過來又行過去
kiânn kuè-lâi iū kiânn kuè-khì
你愛的眼神
lí ài ê gán-sîn
飄過來又飄過去
phiau kuè-lâi iū phiau kuè-khì
閒閒來創治你
îng-îng lâi tshòng-tī lí
淡薄仔對不起
tām-po̍h-á tuì-put-khí
牽牽牽牽
khan khan khan khan
牽你倒轉去
khan lí tò-tńg–khì
