港街十三號
《港街十三號》Káng-ke Tsa̍p-sann-hō
鄭琇月Tēnn Siù-gua̍t
——————————————
遙遠的航路旅行
iâu-uán ê hâng-lōo lú-hîng
一路順風回故鄉
tsi̍t-lōo sūn-hong huê kòo-hiong
在港口搖來搖去
tsāi káng-kháu iô-lâi-iô-khì
大小船過暝
tuā sió tsûn kuè-mî
想前日勞苦海面
siūnn tsîng-ji̍t lô-khóo hái-bīn
グラス的一杯酒(glass)
gurasu ê tsi̍t-pue tsiú
在酒廳一切袂記
tsāi tsiú thiann it-tshè buē-kì
マドロス情也醉(matroos/船員)
madorosu tsîng iā tsuì
啊~港町十三番地
ah~ káng-ting tsa̍p-sann huan-tē
銀杏多情春風微微
gîn-hīng to-tsîng tshun-hong bî-bî
石敷小路無人影
tsio̍h hu sió-lōo bô lâng-iánn
成雙對形影相隨
sîng-siang-tuì hîng-iánn sio-suî
講話糖蜜甜
kóng-uē thn̂g-bi̍t-tinn
五彩色霓紅燈
ngóo-tshái sik nî-âng-ting
引阮踏入愛情池
ín gún ta̍p-ji̍p ài-tsîng tî
斡正爿一直過去
uat tsiànn-pîng it-ti̍t kuè–khì
十字路頭波止場
si̍p-jī-lōo-thâu pho-tsí-tiûnn
啊~港町十三番地
ah~ káng-ting tsa̍p-sann huan-tuē
等船來心情搖動
tán tsûn lâi sim-tsîng iô-tāng
暝日無離心相印
mî-ji̍t bô lî sim siong-ìn
送船去惜別彼時
sàng tsûn khì sioh-pia̍t hit-sî
雙人心傷悲
siang-lâng sim siong-pi
毋敢講滿腹稀微
m̄ kám-kóng muá-pak hi-bî
啉酒解消阮心理
lim-tsiú kái-siau gún sim-lí
看天星茫茫帶意
khuànn thinn-tshinn bâng-bâng tài-ì
窗外月娘半爿圓
thang-guā ge̍h-niû puànn-pîng înn
啊~港町十三番地
ah~ káng-ting tsa̍p-sann huan-tē
