毋通放袂記
《毋通放袂記》M̄-thang Pàng-buē-kì
鄭琇月Tēnn Siù-gua̍t
——————————————
你也有情
lí iā ū-tsîng
我也有意
guá iā ū-ì
歡喜來做著伴侶
huann-hí lâi tsuè tio̍h phuānn-lī
這敢是緣份註定
tse kám-sī iân-hūn tsù-tiānn
予咱來做堆
hōo lán lâi tsuè-tui
令人心內暗歡喜
līng lâng sim-lāi àm huann-hí
滿天的星光閃爍
muá-thinn ê tshinn-kng siám-sih
加添好情意
ka-thiam hó tsîng-ì
迷人的優美暗暝
bê-lâng ê iu-bí àm-mî
踮世間相親相愛
tiàm sè-kan siong-tshin siong-ài
永遠是我佮你
íng-uán sī guá kah lí
請你毋通放袂記
tshiánn lí m̄-thang pàng-buē-kì
朋友反對
pîng-iú huán-tuì
爸母阻止
pē-bú tsóo-tsí
姑不將著愛拆分離
koo-put-tsiong tio̍h-ài thiah hun-lî
手牽著心愛的人
tshiú khan tio̍h sim-ài ê lâng
聲聲安慰你
siann-siann an-uì lí
毋通過頭心傷悲
m̄-thang kuè-thâu sim siong-pi
有啥人料想會到
ū siánn-lâng liāu-sióng ē-kàu
將來的代誌
tsiong-lâi ê tāi-tsì
總講是運命所致
tsóng-kóng sī ūn-miā sóo-tì
可憐的一場戀夢
khó-liân ê tsi̍t-tiûnn luân-bāng
已經是來拍碎
í-king sī lâi phah-tshuì
無緣的人再會啦
bô-iân ê lâng tsài-huē–lah
無緣的人再會啦
bô-iân ê lâng tsài-huē–lah
