月老
《月老》Gua̍t-nóo
蔡亞玲Tshuà A-lîng
——————————————
少男少女
siàu-lâm siàu-lú
想欲揣對象
siūnn-beh tshuē tuì-siōng
逐家來拜月老
ta̍k-ke lâi pài gua̍t-nóo
手提三枝香
tshiú the̍h sann-ki hiunn
來拜託月老
lâi pài-thok gua̍t-nóo
牽一條好姻緣
khan tsi̍t-tiâu hó in-iân
予我來做對象
hōo guá lâi tsuè tuì-siōng
再次來拜請可愛的月老
tsài-tshù lâi pài-tshiánn khó-ài ê gua̍t-nóo
予我的家庭幸福美滿
hōo guá ê ka-tîng hīng-hok bí-buán
我一定感謝
guá it-tīng kám-siā
我一定感謝月老的幫忙
guá it-tīng kám-siā gua̍t-nóo ê pang-bâng
我會𤆬我囝兒
guá ē tshuā guá kiánn-jî
前來答謝月老你
tsîng-lâi tap-siā gua̍t-nóo lí
