敢講咱的愛不應該
《敢講咱的愛不應該》Kám-kóng Lán ê Ài Put-ing-kai
賴慧如Luā Huī-jû
——————————————
上驚無聲的深夜
siōng kiann bô-siann ê tshim-iā
一个人感覺孤單
tsi̍t-ê-lâng kám-kak koo-tuann
恬恬坐佇塗跤
tiām-tiām tsē tī thôo-kha
想你敢會來做伴
siūnn lí kám ē lâi tsuè-phuānn
只要你一句話
tsí-iàu lí tsi̍t-kù uē
我啥物攏毋驚
guá siánn-mih lóng m̄-kiann
為怎樣你攏毋出聲
uī-tsuánn-iūnn lí lóng m̄ tshut-siann
落葉輕輕飄落地
lo̍h-hio̍h khin-khin phiau lo̍h-tē
親像我的心情
tshin-tshiūnn guá ê sim-tsiânn
我知影你的選擇
guá tsai-iánn lí ê suán-ti̍k
永遠毋是我
íng-uán m̄-sī guá
心甘情願
sim kam tsîng guān
戇戇綴你行
gōng-gōng tuè lí kiânn
穿著上媠的衫
tshīng tio̍h siōng suí ê sann
佇雨中等無你的人影
tī hōo-tiong tán-bô lí ê lâng-iánn
一夜一夜流著目屎
tsi̍t-iā-tsi̍t-iā lâu tio̍h ba̍k-sái
敢講咱的愛
kám-kóng lán ê ài
不應該
put-ing-kai
無暝無日
bô-mî-bô-ji̍t
苦苦等待
khóo-khóo tán-thāi
期待有一工你會來
kî-thāi ū-tsi̍t-kang lí ē lâi
明知影阮對你的愛
bîng tsai-iánn gún tuì lí ê ài
怎樣甘予阮受傷害
tsuánn-iūnn kam hōo gún siū siong-hāi
愛著你
ài-tio̍h lí
滿滿的無奈
muá-muá ê bô-nāi
恨我無勇氣
hūn guá bô ióng-khì
面對無你的未來
bīn-tuì bô lí ê bī-lâi
