多情的男子
《多情的男子》To-tsîng ê Lâm-tsú
蔡旻修Tshuà Bîn-siu
——————————————
決心欲將伊放袂記
kuat-sim beh tsiong i pàng-buē-kì
怎樣珠淚滴
tsuánn-iūnn tsu-luī tih
孤一个踮在街路邊
koo tsi̍t-ê tiàm-tsāi kue-lōo pinn
行來又行去
kiânn-lâi iū kiânn-khì
明知對我無情義
bîng-tsai tuì guá bô tsîng-gī
偏偏閣來思念伊
phian-phian koh lâi su-liām i
再會啦再會啦
tsài-huē–lah tsài-huē–lah
提出勇氣想伊
the̍h tshut ióng-khì siūnn i
只有是祈禱伊
tsí-ū sī kî-tó i
過著好日子
kè tio̍h hó ji̍t-tsí
更深暝野鳥哭哀啼
kenn tshim mê iá-tsiáu khàu ai-thî
引阮心稀微
ín gún sim hi-bî
像一个多情的男兒
tshiūnn tsi̍t-ê to-tsîng ê lâm-jî
被人放捒去
phuē lâng pàng-sak–khì
想彼當時情意甜
siūnn hit-tong-sî tsîng-ì tinn
無疑變心做一時
bô-gî piàn-sîng tsuè tsi̍t-sî
再會啦再會啦
tsài-huē–lah tsài-huē–lah
提出勇氣想伊
the̍h tshut ióng-khì siūnn i
只有是祈禱伊
tsí-ū sī kî-tó i
過著好日子
kuè tio̍h hó ji̍t-tsí
離開也已經有一年
lī-khui iā í-king ū tsi̍t-nî
怎樣來夢起
tsuánn-iūnn lâi bāng-khí
夢著伊伴阮過五更
bāng-tio̍h i phuānn gún kuè gōo-kinn
醒來無看見
tshínn–lâi bô khuànn–kìnn
頭犁犁無元氣
thâu lê-lê bô guân-khì
點出彼條無情詩
tiám-tshut hit tiâu bô-tsîng si
再會啦再會啦
tsài-huē–lah tsài-huē–lah
提出勇氣想伊
the̍h tshut ióng-khì siūnn i
只有是祈禱伊
tsí-ū sī kî-tó i
過著好日子
kuè tio̍h hó ji̍t-tsí