回憶
《回憶》Huê-ik
鄭琇月Tēnn Siù-gua̍t
——————————————
孤單踮在水池邊
koo-tuann tiàm-tsāi tsuí-tî pinn
又閣想起彼當時
iū-koh siūnn-khí hit-tong-sî
佮伊熟似彼一暝
kah i si̍k-sāi hit-tsi̍t-mî
濛濛小雨落袂離
bông-bông sió-hōo lo̍h buē-lī
雙人愛情糖蜜甜
siang-lâng ài-tsîng thn̂g-bi̍t-tinn
為怎樣拆分離
uī-tsuánn-iūnn thiah hun-lî
今夜又落著
kim-iā iū lo̍h tio̍h
濛濛的小雨
bông-bông ê sió-hōo
若親像咧叫阮
ná-tshin-tshiūnn teh kiò gún
滴落傷心淚
tih-lo̍h siong-sim luī
為著環境來造成
uī-tio̍h khuân-kíng lâi tsō-sîng
兩人才會來分開
nn̄g-lâng tsiah ē lâi hun-khui
誰知彼暝猶原是
siáng tsai hit-mî iu-guân sī
濛濛小雨落袂離
bông-bông sió-hōo lo̍h buē-lī
毋知著愛等何時
m̄-tsai tio̍h-ài tán hô-sî
會閣再來相見
ē koh-tsài lâi sann-kìnn
今夜又落著
kim-iā iū lo̍h tio̍h
濛濛的小雨
bông-bông ê sió-hōo
若親像咧叫阮
ná-tshin-tshiūnn teh kiò gún
滴落傷心淚
tih-lo̍h siong-sim luī
