可憐的歌女
《可憐的歌女》Khó-liân ê Kua-lú
錢愛真Tsînn Ài-tsin
——————————————
出世運命䆀
tshut-sì ūn-miā bái
唸歌走東西
liām-kua tsáu tang-sai
終身啥人愛
tsiong-sin siánn-lâng ài
面笑心悲哀
bīn tshiò sim pi-ai
無親無情流目屎
bô-tshin-bô-tsiânn lâu ba̍k-sái
路邊是阮小舞臺
lōo-pinn sī gún sió bú-tâi
想阮歹命囝
siūnn gún pháinn-miā-kiánn
唸歌予人聽
liām-kua hōo-lâng thiann
毋敢無拍拚
m̄-kánn bô phah-piànn
無趁無通食
bô thàn bô-thang tsia̍h
宛然鸚哥孤單隻
uán-jiân ing-ko koo-tuann tsiah
啼啼哭哭揣親兄
thî-thî-khàu-khàu tshuē tshin-hiann
每暗到更深
muí-àm kàu kinn tshim
唸歌佮彈琴
liām-kua kah tuânn-khîm
愛睏也著忍
ài-khùn iā tio̍h jím
認真用苦心
jīn-tsin iōng khóo-sim
希望將來哥致蔭
hi-bāng tsiong-lâi ko tì-ìm
暗中熱情揣知音
àm-tiong jia̍t-tsîng tshuē ti-im
