初戀的目屎
《初戀的目屎》Tshoo-luân ê Ba̍k-sái
鄭琇月Tēnn Siù-gua̍t
——————————————
想袂到情海煞來起風颱
siūnn buē-kàu tsîng-hái suah lâi khí-hong-thai
心愛的雄雄佮阮分東西
sim-ài–ê hiông-hiông kah gún hun tang-sai
無疑悟初戀頭一擺
bô-gî-gōo tshoo-luân thâu tsi̍t-pái
心茫茫煞墜落苦戀海
sim bâng-bâng suah tuī-lo̍h khóo-luân hái
為啥物初戀會遮悲哀
uī-siánn-mih tshoo-luân ē tsiah pi-ai
敢講是阮生做八字䆀
kám-kóng sī gún sinn-tsuè pueh-jī bái
失戀的心情誰了解
sit-luân ê sim-tsîng siáng liáu-kái
初戀的目屎煞滴落來
tshoo-luân ê ba̍k-sái suah tih–lo̍h-lâi
